అది అంతే ..

                   అది అంతే ..

     వసంత కోకిల మూగబొయింది 

     గాలి పరిమళం భారంగా మోస్తోంది 

     ఆ మౌన రాగాన్ని 

    నీలి సంద్రం రవి ని మింగేసింది 

    కడిగేసాయి అలలన్నీ 

    రంగుల కలల్ని

    విధాత రాసిన తలరాతని 

    విధి మిగిల్చిన ఎద కోతని 

    చీకటిలో ఆ మనసు 

                                           -- బి వి 

   

నా కల

                     నా కల 

ఆకాశమంత స్వేఛ్చ వుంది 

బంగారు పంజరం భయపెడుతుంది 

ఆశల శౌదం ఎదురు చూస్తోంది 

కాలం కాపలా కాస్తోంది 

హరివిల్లు లాంటి అందమైన కల నాది 

కల వరము కాదేమోనన్న కలవరం నాది 

ప్రయాణం లో ప్రతి అడుగు ఒక పునాది 

ఏ అడుగు ఎటు పడుతుందో అన్న ఏడడుగుల  భయం నాది 

                                                                 బి వి

పిచ్చి మనసు

                పిచ్చి మనసు 
       ఎప్పుడు పుట్టిందో తెలియదు
       ఎపుడూ ఒకటే ఆరాటం
       నిన్నే చూడాలoట

       అడిగిందే తడవుగా కళ్ళు మూసుకుంటే
       అపుడే మొదలైంది అసలు గొడవ
       నీ తో మాటాడా లంట
       చందమామ కోసం చంటి పాప లా
       ఏం పెట్టినా తినకుండా
       ఎంత చెప్పినా వినకుండా
       ఒకటే అల్లరి..
       తీరా నీవెదురైతే
       గుండె బరువై మాట కరువై
       మౌనంగా  చుస్తోందీ పిచ్చి మనసు
       ఎందుకిలా చేసావని  ప్రశ్నించే  లోపే
       నీవెవరని నన్నే ప్రశ్నిస్తోంది నీ మాయ లో
       అను క్షణం అమృత వర్షం కురిపిస్తోంది ఆ హాయి లో .

                                                                       -- బి వి .

శిధిలం

                                    శిధిలం
                    వదిలి వెళ్ళింది చూడు
                    నా శ్వాస నన్ను నేడు
                    శిధిలమయ్యింది గూడు
                    చెలి చెంత లేని నాడు
                    నే మిగిలి పోయాను మోడులా...
                    జ్ఞాపకాల ముళ్ళు దాటి ముందుకెలా సాగాలి
                    నీడ కూడా వెంట రాని నిశీధి లో నే మిగలాలి.
                                                               -- బి వి

 

నీ చేతిలో

                         నీ చేతిలో

           అప్పుడు ,ఇప్పుడు ,ఎప్పుడూ
           ఈ గుండె లో ఒక్కటే చప్పుడు
           తప్పదో , తప్పిదో చెప్పదు
           ఊసు లేని దే నిద్దురే పట్టదు
           నిన్నకు , రేపు కు మధ్యలో
           నేడు మునిగి తేలుతున్న మిధ్యలో
           ముంచటం తేల్చటం నీ వశం
           నీ చేతిలో వుంది ఈ జీవితం
                                          -- బి వి . 

నా ప్రేమ

                      నా  ప్రేమ 
              నీ సోయగాల సాగరం లో
              చుక్కాని లేని నావని
              నీ చిరునవ్వుల అలలతో
              చేర్చావా నను తీరాన్ని .
              కలలోనైనా కనపడవు
              కను రెప్పలతో బంధించడానికి
              అల లా అలా వచ్చి పోతావు
              నా లో  అలజడి పెంచడానికి
              నీ ధ్యాస లేని దే శ్వాసాడదే
              నీ తోడూ లేనిదే జీవితం సాగదే
              ఆశలు రేపే నీ అందం వాస్తవం
              ఆకర్షణ కాని నా ప్రేమ శాశ్వతం .
                                                   -- బి.వి

నీ కోసం

                          నీ కోసం 
        నీలాకాశం   లా నువ్వున్నప్పుడు
        అల లా నిన్ను చేరలేనపడు
        ఆవిరవుతాను నేను....
   
         కడలి లా నీవు  ఘంభీరమైనపుడు
         కరిగి పోతాను నీనొక కారు మబ్బునై
         ఒదిగి పోతాను నీలో వాన చినుకునై..
                                                   --- బి వి